நான் இணையத்தில் படித்த பாரதியார் கவிதையை இங்கே தந்துள்ளேன் .
நீங்களும் படியுங்களேன்
பாரதியார் கவிதைகள்
பாரதியார் கவிதைகளில் ஒன்று
1. வந்தே மாதரம்
ராகம் - நாதநாமக்கிரியை தாளம் - ஆதி
பல்லவி
வந்தே மாதரம் என்போம் - எங்கள் மாநிலத் தாயை வணங்குதும் என்போம். (வந்தே)
சரணங்கள்
ஜாதி மதங்களைப் பாரோம் - உயர்
ஜன்மம் இத் தேசத்தில் எய்தின ராயின்
வேதிய ராயினும் ஒன்றே - அன்றி
வேறு குலத்தின ராயினும் ஒன்றே (வந்தே) 1
ஈனப் பறையர்க ளேனும் அவர்
ஈனப் பறையர்க ளேனும் அவர்
எம்முடன் வாழ்ந்திங் கிருப்பவர் அன்றோ?
சீனத்த ராய்விடு வாரோ? - பிற
தேசத்தர் போற்பல தீங்கிழைப் பாரோ? (வந்தே) 2
ஆயிரம் உண்டிங்கு ஜாதி - எனில்
ஆயிரம் உண்டிங்கு ஜாதி - எனில்
அன்னியர் வந்து புகல் என்ன நீதி? - ஓர்
தாயின் வயிற்றில் பிறந்தோர் - தம்முள்
சண்டைசெய் தாலும் சகோதரர் அன்றோ? (வந்தே) 3
ஒன்று பட்டால் உண்டு வாழ்வே - நம்மில்
ஒன்று பட்டால் உண்டு வாழ்வே - நம்மில்
ஒற்றுமை நீங்கில் அனைவர்க்கும் தாழ்வே
நன்றிது தேர்ந்திடல் வேண்டும் - இந்த
ஞானம் வந்தாற்பின் நமக்கெது வேண்டும்? (வந்தே) 4
எப்பதம் வாய்த்திடு மேனும் - நம்மில்
எப்பதம் வாய்த்திடு மேனும் - நம்மில்
யாவர்க்கும் அந்த நிலைபொது வாகும்
நூறு கோடியும் வாழ்வோம் - வீழில்
நூறு கோடி முழுமையும் வீழ்வோம் (வந்தே) 5
புல்லடி மைத்தொழில் பேணிப் - பண்டு
புல்லடி மைத்தொழில் பேணிப் - பண்டு
போயின நாட்களுக் கினிமனம் நாணித்
தொல்லை இகழ்ச்சிகள் தீர - இந்தத்
தொண்டு நிலைமையைத் தூவென்று தள்ளி (வந்தே) 6 .
ஸ்டார்ஜன்
Posts
